Ale hop!

Que artistas temos en cuarto! Hoxe despois do recreo tivemos unha visita moi especial na clase: os nosos compañeiros de cuarto A viñeron facer un espectáculo de maxia!

Houbo trucos de cartas, fixeron desaparecer moedas... e outras cousas moi sorprendentes. Noraboa rapaces!

As receitas do noso cuarto: Breogán

O chef Breogán ensínanos como facer uns deliciosos espaguetes con salsa de tomate e carne.

INGREDIENTES:
Espaguetes
Salsa de tomate natural
Carne picada
Allo
Perexil
Sal

ELABORACIÓN:

Antes de nada, adobamos a carne picada con allo e perexil.

A continuación, poñemos a carne nunha tixola con aceite e deixamos que se faga lentamente.

Botamos a salsa de tomate natural e unha area de sal e remexemos ata que estea cociñada.

Nunha ola con auga fervendo e un pouco sal, bótanse os espaguetes e déixanse cocer uns dez minutos.

Cando os espaguetes estean cocidos, escórrense, mestúranse coa carne e a salsa de tomate e xa están listos para servir. Bo proveito!

Hora de ler: Hugo

SCOOBY-DOO: El ojo del dragón (cómic), de John Rozum y Frank Strom.

"A mí me gustó porque va de resolver misterios. Hay dos personajes que solo piensan en comer y uno de ellos es un perro que habla y come todo lo que se le pone por delante. Mi parte favorita es cuando juntan todas las partes del ojo del dragón y aparece un fantasma enorme."

Hugo Pérez Iglesias

As receitas do noso cuarto: Raúl

Esta semana Raúl ensínanos como facer outro clásico das nosas cociñas e a estrela dos bocatas de excursión: Bistés de tenreira empanados. Mmmmm, que ricos están!

INGREDIENTES (para 4 persoas):

• 8 filetes de tenreira duns 100 gr. cada un.
• 2 ovos
• pan relado
• leite
• aceite
• sal

 ELABORACIÓN:

1. Aplastar os filetes para que queden ben finos.
2. Nunha fonte fonda ou nun bol, bater os ovos e mesturalos cun vasiño de leite.
3. Poñer o pan relado nun prato.
4. Poñer a remollo os filetes na mestura de ovo e leite e deixalos 30 minutos para que queden ben impregnados.
5. Pasado ese tempo, rebozar os bistés no pan relado e fritilos nunha tixola con aceite de oliva moi quente.
6. Antes de servilos, hai que deixalos nun papel secante para que perdan o exceso de aceite.

E a desfrutar con estes deliciosos bistés de tenreira empanados!

Hora de ler: Sandra

RITA TIENE NOVIO, de Mikel Valverde.

"Me gusta mucho el libro de Rita tiene novio porque Rita tiene que ayudar a su amiga a conseguir novio. La amiga le escribe una nota al chico que le gusta y le dice a Rita que la tiene que poner debajo de su mesa, pero al final la que acaba teniendo novio es Rita y no le gusta nada."

Sandra Marcuño Riveiro

Os talleres do noso cuarto: Scratch

Os nenos e nenas do noso cuarto son tan traballadores... que cando rematan as tarefas de cada área queren seguir aprendendo máis cousas, polo que na aula hai diversos recantos ou talleres nos que poden seguir traballando de xeito máis autónomo.

Un deses talleres é o de "Scratch". Trátase dun entorno de aprendizaxe de linguaxe de programación co cal os rapaces poden comezar a introducirse de maneira sinxela no mundo da programación informática, mediante un sistema visual que lles permite aprender mentres crean animacións ou xogos.

Este curso estamos a traballar cunhas tarxetas de tarefas de dificultade progresiva coas que aprenden a utilizar os comandos básicos do programa.

Se queredes saber máis sobre Scratch e de como pode beneficiar a aprendizaxe dos nenos, visitade a súa páxina web: https://scratch.mit.edu/

Hora de ler: Ainara

LA CASA DEL FIN DEL MUNDO, José María Plaza

"A mí me gusta mucho el libro La casa del fin del mundo. Actúan cuatro personas: David, Cristina, Álvaro y Belén. Siempre lo leo y me encanta un montón."

Ainara Fungueiriño Torres